நாகேந்திரம் கருணாநிதி

திருமந்திரம் - பாகம் 01 "சைவ சித்தாந்த ரத்தினம் - நாகேந்திரம் கருணாநிதி"

20/8/2017

திருமந்திரம் (பாகம் 1 )
நாகேந்திரம் கருணாநிதி
திருமந்திரத்திற்கு ஒரு மந்திரம் இல்லை என்பது முன்னோர் வாக்கு. திருமந்திரம் அன்பே சிவம் என்னும் தத்துவத்தின் மூலம் எமது அன்றாட வாழ்க்கை நெறிமுறைகளை மிகவும் சிறப்பாக விளக்குகிறது. உலகில் உள்ள சகல உயிர்களிடத்திலும் அன்பு செலுத்தக் கற்றுத் தருகிறது. ஆன்மீக வாழ்க்கைக்கும் சரியை, கிரியை, யோகம், ஞானம் மூலம் இறைவனைச் சேர வழி காட்டுகிறது. . சைவம், தமிழ் ஆகிய இரு பெரும் துறைகளில் தலைசிறந்த மும்மணிகள் எனக் கூறப்படும் நூல்களுள் திருக்குறள், திருவாசகம் ஆகியவற்றுடன் திருமந்திரமும் ஒன்றாகும். சைவசமய நூல்களில் மந்திரம் எனக் கூறப்படும் ஒரே நூல் திருமந்திரமாகும். இந்நூல் சைவசித்தாந்த சாத்திரமாகவும், இறைவன் திருவருளைப் போற்றிப் பரவும் தோத்திரமாகவும் போற்றப்படுகின்றது. இந்நூல் தமிழ் மூவாயிரம் எனவும், திருமந்திர மாலை எனவும் அழைக்கப்படுகிறது. இந்நூல் பத்தாம் திருமுறையாக வகுக்கப்பட்டுள்ளது.

மேலும் படிக்க...

சைவ சித்தாந்தம் (நிறைவு) - பகுதி 40 "நாகேந்திரம் கருணாநிதி"

13/8/2017

சைவ சித்தாந்தம் – ( பகுதி – 40 )
(நாகேந்திரம் கருணாநிதி)
தத்துவமசி – அது (இறைவன்) நீ (ஆன்மா) ஆகிறாய்
நான்கு வேதங்களிலும் பல மகா வாக்கியங்கள் கூறப்பட்டிருந்தாலும் ஒவ்வொரு வேதத்திலும் ஒவ்வொரு மகாவாக்கியம் முதன்மையானதாகக் கொள்ளப்படுகின்றது. ரிக் வேதத்தில் ஐதரேய உபநிடதத்தில் “ப்ரக்ஞானம் பிரம்மம்” (உணர்வே பரம்பொருள்) என்ற மகாவாக்கியமும், யசுர் வேதத்தில் பிரகதாரண்யக உபநிடதத்தில் “அஹம் பிரம்மாஸ்மி” (நான் பிரம்மமாயிருக்கின்றேன்) என்ற மகாவாக்கியமும், சாம வேதத்தில் சாந்தோக்கிய உபநிடதத்தில் “தத் த்வம் அஸி” (அது நீ ஆகிறாய்) என்ற மகாவாக்கியமும், அதர்வண வேதத்தில் மாண்டூக்ய உபநிடதத்தில் “அயம் ஆத்மா பிரம்ம” (ஆத்மாதான் பரம்பொருள்) என்ற மகாவாக்கியமும் முதன்மையானதாகக் கொள்ளப்படுகின்றது.

மேலும் படிக்க...

சைவசித்தாந்த ரத்தினம் திரு. நாகேந்திரம் கருணாநிதி அவர்களின் நூல்கள் வினியோகம்

28/7/2017

நூல் வினியோகம்

“என்னை நன்றாக இறைவன் படைத்தனன், தன்னை நன்றாகத் தமிழ் செய்யுமாறே” என திருமூலநாயனார் திருமந்திரத்தில் கூறியுள்ளார். காலத்திற்குக் காலம் இறைவன் சில ஆன்மாக்களைக் கொண்டு சில விடையங்களை நிறைவேற்றிக் கொண்டிருக்கின்றான். “எண்ணமே வடிவம் எண்ணுவது நானல்ல” என்பது சைவசித்தாந்த தத்துவங்களில் ஒன்றாகும். இறைவன் சம்பந்தமாக நாம் அழுக்கற்ற தூயமனத்துடன் சிவசிந்தனையுடன் மேற்கொள்ளும் ஒவ்வொரு காரியமும் இறைவனால்ச் செய்யப்படுகின்றது என்ற எமது முன்னோரின் கருத்தை நாம் மனதில் கொள்ளவேண்டும். இறைவன் எனக்கு சைவசித்தாந்தம், திருமந்திரம் ஆகிய இரு பெரும் கடலில் சில துளிகளை படிக்க வைத்து பின்வரும் மூன்று புத்தகங்களை எழுதவைத்துள்ளான். “நான் பெற்ற இன்பம் பெறுக இவ்வையகம்” என்ற திருமூலநாயனாரின் கூற்றுக்கு அமையவும், “சிறந்தது பயிற்றல் இறந்ததன் பயனே” எனக் கூறும் தொல்காப்பியரின் கூற்றுக்கு அமையவும் இப்புத்தங்களை நீங்களும் படித்துப் பயனடைய வேண்டும் என்பது இறைவனின் நோக்கம் என நான் கருதுகின்றேன்.

மேலும் படிக்க...

சைவ சித்தாந்தம் - பகுதி 39 "நாகேந்திரம் கருணாநிதி"

28/7/2017

சைவ சித்தாந்தம் – ( பகுதி – 39 )

(நாகேந்திரம் கருணாநிதி)

சைவ சித்தாந்த சாத்திரங்கள் - 14. சங்கற்ப நிராகரணம்

சங்கற்ப நிராகரணம். உமாபதி சிவாச்சாரியார் அவர்களால் அருளப்பட்ட சித்தாந்த அட்டகங்களில் ஒன்றாகும். சங்கற்பம் என்பது கொள்கை, நிராகரணம் என்பது மறுப்பு என்ற பொருளைத் தரும். இந்நூலுள் ஒன்பது மதங்களின் கொள்கைகளை அவ்வவ் மதத்தார் கூறுவது போல அமைத்து, அதன் பின் பிற மதத்தாரால் அக்கொள்கைகள் மறுக்கப்பட்டு, இறுதியில் சைவவாதியின் மறுப்போடு நூல் நிறைவு பெறுகின்றது. இந்நூலில் காப்பு, பாயிரம் உட்பட இருபது பகுதிகள் உள்ளன. இதில் பல பாடல்கள் மிகவும் பெரிதாக (254 வரிகள் கொண்டவை கூட) அமைக்கப்பட்டுள்ளது.

மேலும் படிக்க...

சைவ சித்தாந்தம் - பகுதி 38 "நாகேந்திரம் கருணாநிதி"

9/7/2017

சைவ சித்தாந்தம் – (பகுதி – 38)
(நாகேந்திரம் கருணாநிதி)
சைவ சித்தாந்த சாத்திரங்கள் - 13. உண்மைநெறி விளக்கம்

உண்மைநெறி விளக்கம். உமாபதி சிவாச்சாரியார் அவர்களால் அருளப்பட்ட சித்தாந்த அட்டகங்களில் ஒன்றாகும். இந்நூலில் இடம்பெற்றுள்ள பாயிரப் பாடல் இந்நூலைப் பாடியவர் சீர்காழிச் சிற்றம்பலநாடிகளின் மாணவரான சீர்காழித் தத்துவராயர் என்றே கூறுகிறது. ஆனால் சீர்காழித்தத்துவராயரால் உமாபதி சிவாச்சாரியாரால் அருளப்பட்ட உண்மைநெறிக்கு விளக்கம் கூறப்பட்டதாகப் பாடிய தனிப்பாயிரம் இந்நூலில்ச் சேர்க்கப்பட்டுள்ளதாகப் பல அறிஞர்கள் கூறியுள்ளார்கள். சாத்திரங்களில் சிறிய நூல்களில் இதுவும் ஒன்று. இந்நூல் பாயிரப்பாடலைத் தவிர ஆறு விருத்தப் பாக்களைக் கொண்டது. இந்நூல் சுருக்கமாக தசகாரியத்தை விளக்குகிறது. தசகாரியம் என்பது உயிர் பாசத்தின் உண்மை வடிவைக் கண்டு அதனை நீங்கி இறைவனின் திருவருள் ஞானத்தால் தன் நிலை உணர்ந்து பின் திருவடிப் பேறாம் இறைவனின் திருவருளில் தோய்ந்து இறையின்பத்தைப் பெறுவதற்குக் கூறப்பட்ட பத்துப் படிநிலைகளாகும். இவற்றை விரிவாக பண்டார சாத்திரங்களில் காணலாம். இந்நூலிலுள்ள சில பாடல்களைப் பார்ப்போம்.

மேலும் படிக்க...

சைவ சித்தாந்தம் - பகுதி 37 "நாகேந்திரம் கருணாநிதி"

14/5/2017

சைவ சித்தாந்தம் – (பகுதி – 37)
(நாகேந்திரம் கருணாநிதி)
சைவ சித்தாந்த சாத்திரங்கள் - 12. நெஞ்சுவிடு தூது

நெஞ்சுவிடு தூது. உமாபதி சிவாச்சாரியார் அவர்களால் அருளப்பட்ட சித்தாந்த அட்டகங்களில் ஒன்றாகும். இந்நூல் உமாபதி சிவம் அவர்கள் தனது ஆசிரியரான மறைஞானசம்பந்தரிடம் தனது நெஞ்சைத் தூது விடுத்து அவரிடமிருந்து கொன்றை மாலையை வாங்கிவருமாறு கூறுவதாக அமைந்துள்ளது. இதனால் இந்நூல் நெஞ்சுவிடு தூது எனப்படுகின்றது. இந்நூல் மறைஞானசம்பந்தரைப் போற்றுமாற்போல் அமைந்தாலும் உண்மையில் மானிடச் சட்டை தாங்கிக் குருவாக எழுந்தருளி அடியார்க்கு அருளும் சிவபெருமானையே போற்றுகின்றது. இந்நூல் சைவசித்தாந்த சாத்திரங்களில் இலக்கிய வடிவில் அமைந்த ஒரே நூலாகும். சிற்றிலக்கியங்கள் 96 இல் தூது என்னும் வடிவத்தில் சித்தாந்தக் கருத்துக்களை இந்நூல் விளக்குகிறது. இலக்கிய மரபுப்படி சிவனுக்குத் தசாங்கம் என்று பத்து உறுப்புக்களை உரைக்கின்றது. இதில் கலிவெண்பா யாப்பில் 129 கண்ணிகள் 21 பகுதியாக உரைக்கப்பட்டுள்ளன. இந்நூலில் உள்ள சில பாடல்களைப் பார்ப்போம்.

மேலும் படிக்க...

சைவ சித்தாந்தம் – பகுதி 36 "நாகேந்திரம் கருணாநிதி"

29/4/2017

சைவ சித்தாந்தம் – ( பகுதி – 36 )
(நாகேந்திரம் கருணாநிதி)
சைவ சித்தாந்த சாத்திரங்கள் - 11. கொடிக்கவி

கொடிக்கவி. உமாபதி சிவாச்சாரியார் அவர்களால் அருளப்பட்ட சித்தாந்த அட்டகங்களில் ஒன்றாகும். ஒருநாள் உமாபதி சிவாச்சாரியார் கூத்தப் பெருமானுக்கு வழிபாடு முடித்துத் தம் வீட்டிற்கு வழக்கமாகத் தனக்கு அமைந்த விருதுகளோடு சிவிகை மேல்ச் சென்றார். அப்பொழுது வீதியில் ஒரு திண்ணையில் வீற்றிருந்த மறைஞானசம்பந்தர் உமாபதியார் செல்லும் காட்சியைப் பார்த்து “பட்ட கட்டையில் பகலற் குருடு ஏகுதல் பாரீர் “ என்றார் இதன் பொருளை (பட்ட கட்டை – சிவிகை, பகற் குருடு – பகலிலும் விருது ஆகிய விளக்கைச் சிவிகைக்கு முன்னால் பிடித்துச் சென்றமை) உணர்ந்த உமாபதி சிவம் சிவிகையில் இருந்து இறங்கித் தன்னிலும் பார்க்க மிகவும் இளவயதுடைய மறைஞானசம்பந்தரின் திருவடிகளைத் தொழுதார்.

மேலும் படிக்க...

சைவசித்தாந்த ரத்தினம் திரு. நாகேந்திரம் கருணாநிதி அவர்களின் நூல்கள் வினியோகம்

22/4/2017

“என்னை நன்றாக இறைவன் படைத்தனன், தன்னை நன்றாகத் தமிழ் செய்யுமாறே” என திருமூலநாயனார் திருமந்திரத்தில் கூறியுள்ளார். காலத்திற்குக் காலம் இறைவன் சில ஆன்மாக்களைக் கொண்டு சில விடையங்களை நிறைவேற்றிக் கொண்டிருக்கின்றான். “எண்ணமே வடிவம் எண்ணுவது நானல்ல” என்பது சைவசித்தாந்த தத்துவங்களில் ஒன்றாகும். இறைவன் சம்பந்தமாக நாம் அழுக்கற்ற தூயமனத்துடன் சிவசிந்தனையுடன் மேற்கொள்ளும் ஒவ்வொரு காரியமும் இறைவனால்ச் செய்யப்படுகின்றது என்ற எமது முன்னோரின் கருத்தை நாம் மனதில் கொள்ளவேண்டும். இறைவன் என்னைச் சைவசித்தாந்தம், திருமந்திரம் இரண்டையும் படிக்க வைத்து பின்வரும் மூன்று புத்தகங்களை எழுதவைத்துள்ளான். “நான் பெற்ற இன்பம் பெறுக இவ்வையகம்” என்ற திருமூலநாயனாரின் கூற்றுக்கு அமையவும், “சிறந்தது பயிற்றல் இறந்ததன் பயனே” எனக் கூறும் தொல்காப்பியரின் கூற்றுக்கு அமையவும் இப்புத்தங்களை நீங்களும் படித்துப் பயனடைய வேண்டும் என்பது இறைவனின் நோக்கம் என நான் கருதுகின்றேன்.

மேலும் படிக்க...

சைவ சித்தாந்தம் – பகுதி 35 "நாகேந்திரம் கருணாநிதி"

24/3/2017

சைவ சித்தாந்தம் – ( பகுதி – 35 )
(நாகேந்திரம் கருணாநிதி)

சைவ சித்தாந்த சாத்திரங்கள் - 10. போற்றிப் பஃறொடை

போற்றிப் பஃறொடை. உமாபதி சிவாச்சாரியார் அவர்களால் அருளப்பட்ட சித்தாந்த அட்டகங்களில் ஒன்றாகும். இந்நூல் பா (பஃறொடை வெண்பா) அமைப்பில் பெயர்பெற்ற நூலாகும். தொடை என்பது இரண்டு அடிகளைக் கொண்டது. இந்நூலில் வரும் பாடல்கள் இரண்டு அடிகளைக் கொண்டதால் பஃறொடை எனவும் ஆசிரியர் தனது குருவைச் சிவப்பரம் பொருளாக எண்ணிப் போற்றிப் பாடியதால் போற்றிப் பஃறொடை எனப் பெயர் வழங்கப் பட்டுள்ளது. இந்நூலில் உள்ள பாடல் ஒரே பாடலாக அமைந்திருந்தாலும் 14 இடங்களில் போற்றி என்ற சொல் வருவதால் 14 தலைப்பின் கீழ் இதன் உரை அமைந்துள்ளது. இதன் பாடலைப் பார்ப்போம்

மேலும் படிக்க...

லண்டன் முத்துமாரி அம்மன் நிரந்தர ஆலய அடிக்கல் நாட்டும் விழா - படங்களுடன்

12/3/2017

லண்டன் முத்துமாரி அம்மன் நிரந்தர ஆலய அடிக்கல் நாட்டும் விழா

மேலும் படிக்க...

என்னைப்பற்றி

நாகேந்திரம் கருணாநிதி
மயிலிட்டி

பதிவுகள்

August 2017
July 2017
May 2017
April 2017
March 2017
January 2017
December 2016
November 2016
October 2016
September 2016
August 2016
July 2016
June 2016
May 2016
April 2016
February 2016
January 2016
November 2015
October 2015
September 2015
August 2015
July 2015
June 2015
May 2015
April 2015
March 2015
February 2015
January 2015

முழுப்பதிவுகள்