முதுகுசொறியுமொரு 
ஏளனச் சிரிப்பு 
அமைதியை கிழித்தெறிந்து 
பாய்ந்து வருமொரு 
துர்வார்த்தை 
தாழ்ந்திருப்பவர்களிடம் 
காட்டப்படும் 
சிறு வேற்றுமை 
அன்பானவர்களால் 
தெளித்து விடப்படுமொரு 
அமிலப்பார்வை 
மனித மனங்களை 
உடைப்பதற்கு 
பெரிதாக ஏதும் முயற்சிக்க 
வேண்டியதில்லை 
இவைகளே 
போதுமாயிருக்கின்றது.

அறியாதவயது 
அந்திசாயும் நேரம் 
ஆளாரவாரமற்ற 
அடர்ந்த காடு 
பாலைப்பழம் பொறுக்கி 
பனம்பழம் பிதுக்கி 
உண்டு மகிழ்ந்தபின் 
வந்தடைந்தோம் 
ஆழமறியா ஆற்றருகில்

தீபம் அணைந்தால் 
திணறிப்போகிறேன் 
பால் சிந்தினால் 
பதறிப்போகின்றேன் 

நாய் ஊளையிட்டால் 
நாசமாய்போச்சு 
பல்லி சொன்னால் 
பாழாய்போச்சு

மதங்களாய் பிரிவு 

மதங்களுக்குள்ளும் பிரிவு

சாதிகளாய் பிரிவு 

சாதிகளுக்குள்ளும் பிரிவு

சிகரங்களின்மேலான ஈர்ப்பினால் 
வண்ண கற்பனைகளின் 
நூல் கயிற்றை பிடித்தவாறே 
பெரும் பிரயர்தனதுடன் 
தவிப்புடன் அல்லல்பட்டு 
மலை உச்சிதனை அடைகிறவன் 
மலைத்துப்போகிறான்

மன்னித்துவிடு 
நான் உன்னை மட்டும் காதலிக்கவில்லை!
இன்னும் பலரை காதலிக்கிறேன் 
உன் உறவுகள் ஊரவர் 
நீ அன்பாய் வளர்க்கும் 
நாய்க்குட்டி பூமரம் 
நீ நடந்துசெல்லும் தெரு 
தினமும் உன்னை பார்த்து மகிழும் 
தெருவோர மரங்கள் 
உன்னை சுமந்து செல்லும் சைக்கிள் 
உன்னாலே உனக்காக 
உன் சார்ந்த அனைத்தையும்
நான் காதலிக்கிறேன்
மயிலை ஐங்கரன்

உன்னால் முடியும் 

உன்னை 
உணர்ந்துகொள் 
உயர்ந்துசெல்

சந்தர்ப்பங்கள் வாய்க்கும்போது
விழி பிதுங்கிப்போவாய்
என்னால் ஆகாதென 
ஓரமாக ஒதுங்கிப்போவாய்
முடியவே முடியாதென
பௌவியமாய் பதுங்கிப்போவாய்

சாத்தியத்தின் எல்லைகளுக்குள்  இருந்து 
சாதிப்பவன் சாதரனமனாவனாகிறான் 
சாத்தியத்தின் எல்லைகளுக்குள்  அப்பால் சென்று
சாதிப்பவனே சாதனையாளனாகிறான்  

சுட்டெரிக்கும் சூரியக்கணியை இலக்காக்கி பாய்பவன் 
மரத்திலுள மாங்கனியையேனும் பற்றிக்கொள்வான் 
மரத்திலுள மாங்கனியை இலக்காக்கி பாய்பவன் 
அடிமர இலையையே பறித்துச்செல்வான்

அவள் கழித்துவிட்ட  புகைப்படங்களை 
பொறுக்கி சென்ற பிரம்மன்  அதன் பிரதியாக 
படைப்பின் உச்சமாக சிருஷ்டித்ததுதானாம்
"வெண்ணிலவு"

காவிய நாயகிக்காக அலைந்து களைத்த  
கம்பன் சொப்பனத்தில் அவள் கைவிரல் கண்டு 
அந்த வண்ணத்தை எண்ணத்தில் நிறுத்தி 
உருவாக்கியவள்தானம்
"காவிய நாயகி சீதா"

துன்புற்று மரிப்பற்கே இவ்வுலகில் 
இன்புற்று அவதரித்தது இக்குழந்தை  
பன்புற்று மனிதர்தாம் வாழ ஆண்டவர் 
அன்புற்று அனுப்பியது இக்குழந்தை 

அன்னைமரியின் கருவில் மடியில் அன்பில் 
தவழ்ந்தது இக்குழந்தை 
ஏழைகளுடன் ஏழையாய் எளிமையின் வடிவமாய்
வளர்ந்தது இக்குழந்தை 

பசியின் வலியில் கதறித்துடிக்கும் 
பச்சிளங்குழந்தையின் பால்முகம் 
கைகளில் தக தகவென மின்னிய தங்க மோதிரத்தில்

கைகளால் பொத்தியும் ஊசியால் 
குத்தியும்கூட வெளித்தெரிந்தது 
தங்கைகளின் உடல் அவயங்கள் - அலுமாரியில் 
அளவுக்கு அதிகமாக அடுக்கிவைத்த ஆடைகளில் 

முடிவை மாற்றிவிடு.

மலர்களை நீ கூந்தலில் சூடுவதில்லை என்று அறிந்தபின் 
மலர்கள் அனைத்தும் இறைவனை மன்றாடுகின்றதாம் 
தங்களுக்கு மறுபிறப்பே வேண்டாம் என்று.

அரிதாரங்கள் நீ அணிவதில்லையென அறிந்ததும் 
அவை அனைத்தும் ஆத்தங்கரை அருகில் அணிவகுத்து நிக்கின்றனவாம் வாழ்வை அழித்துக்கொள்ள எண்ணி.

பட்டாடைகள் மீது உனக்கு பற்றில்லையென பரவிய செய்தியால் 
அனைத்து பட்டாடைகளும் பதறி பதறி பற்றி எரிகின்றதாம்.

பொன் நகைகளை நீ அணிவதில்லை என்று தெரிந்தபின் 
அவை அனைத்தும் உன் வீட்டின் முன்னால் சாகும்வரை உண்ணாவிரதம் என அறிக்கை விட்டுள்ளனவாம்.

எளிமையிலும் நீ எழிலானவள் என்பதை நான் அறிவேனடி இருப்பினும் பூலோக பெண்களின் சாபம் உனக்கெதற்கு முடிவை மாற்றிவிடு.


மயிலை ஐங்கரன்