சமர்ப்பணம்

சாத்தியத்தின் எல்லைகளுக்குள்  இருந்து 
சாதிப்பவன் சாதரனமனாவனாகிறான் 
சாத்தியத்தின் எல்லைகளுக்குள்  அப்பால் சென்று
சாதிப்பவனே சாதனையாளனாகிறான்  

சுட்டெரிக்கும் சூரியக்கணியை இலக்காக்கி பாய்பவன் 
மரத்திலுள மாங்கனியையேனும் பற்றிக்கொள்வான் 
மரத்திலுள மாங்கனியை இலக்காக்கி பாய்பவன் 
அடிமர இலையையே பறித்துச்செல்வான்

---

ஆற்பரிக்கும் ஆழ்கடலை இலக்காக்குபவன் 
ஆறுகளை அலாதியாய் கடந்துவிடுவான் 
அலையற்ற ஆறுகளையே இலக்காக்குபவன்
கரையிலேயே காலம் கழிப்பான்   

கதை அளப்பதை நிறுத்திடவேண்டும் 
காரியங்கள் புரிந்திடவேண்டும்
வட்டகினற்றுக்குள் தத்தளிப்பதை நிறுத்திடவேண்டும்
பரந்த விண்வெளியில் சிறகடித்து  பறந்திட வேண்டும்.

---

எண்ணங்கள் தெளிவுபெறட்டும்
எல்லைகள் விரிவுபெறட்டும்.

(விண்வெளி சம்பந்தமான ஆய்வில் புதுமை புரிந்த எமது ஊரைச்சேர்ந்த சகோதரிக்கு இக்கவியை சமர்ப்பிக்கின்றேன்.
மேலும் புதுமைகள் புரிய வாழ்த்துக்கள்)

மயிலை ஐங்கரன்

---