செல்வங்களா??? பாவங்களா???

பசியின் வலியில் கதறித்துடிக்கும் 
பச்சிளங்குழந்தையின் பால்முகம் 
கைகளில் தக தகவென மின்னிய தங்க மோதிரத்தில்

கைகளால் பொத்தியும் ஊசியால் 
குத்தியும்கூட வெளித்தெரிந்தது 
தங்கைகளின் உடல் அவயங்கள் - அலுமாரியில் 
அளவுக்கு அதிகமாக அடுக்கிவைத்த ஆடைகளில் 

---

ஏழைத்தாயின் இயலாமையின் வடிவமாக
கண்களிலிருந்து ஒழுகிய கண்ணீரால் நனைந்து கரைந்துபோனது 
எண்ணி எண்ணி சேர்த்துவைத்த பணக்குவியல்

இறைவனே!!! மனிதர்கள் அளவுக்கு அதிகமாக சேர்த்து வைத்துருப்பது
செல்வக்குவியல்களா??? பாவச்சுமைகளா???

வறுமையில் வாடுவோருக்கு உதவிடும் 
பலத்தையும் பக்குவத்தையும் 
எனக்கு அளித்துவிடு -இல்லையேல் 
என்னையே அழித்துவிடு. 

மயிலை ஐங்கரன்