கறுப்பு ச் சிங்கமே நெல்சன் மண்டேலா!!
**** ****** ****** **** ***** **** ******

இருண்ட கண்டத்தில் விரிந்த மலரே!
இரும்புத்திரை உடைத்தெழுந்த கதிரே!
கறுப்புச் சிங்கமே நெல்சன் மண்டேலா!
நம்பிக்கை முனை நாட்டின் நட்சத்திரமே
விடுதலையின் முகவரி தெரிந்தவனே
போராடிப்பெற்ற சுதந்திரத்தின்
பெறுமதி தெரிந்தவனே!

புயலடித்த தேசத்தில் ஒரு புனிதப்போர்
புத்தனின் பித்தர்களுக்கு பாடம் புகட்டும் போர்.
நாங்கள் சுனாமி அடித்த தேசத்திற்கு சொந்தக்காரர்கள்
சிங்களத்திற்கு பினாமிகளாய் வாழமாட்டோம்!

மாவைக்கந்தன் வீதியில் நடக்குது
மக்களின் போராட்டம்.
இது பகட்டுப்போரல்ல- பட்டிணிப்போர்.
மன்னனுக்கான போரல்ல
மண்ணுக்கான போர்.
இது வேடிக்கை போரல்ல
விடியலுக்கான போர்.

பேய்கள் வருகின்றன ஊருக்குள்
*** *** *** *** *** ***

அந்தி சாயும் வேளை காற்றில்வந்த செய்தி கேட்டு
முதலில் முற்றத்து பலா ஒப்பாரி வைத்தது.
கிணற்று துலாக்கொடி துவண்டு போனது.
வாசல் கதவு வாய்பிளந்து நின்றது.

முற்றத்தில் முருங்கை மூர்ச்சை ஆனது.
வேலியில் பூவரசு பேச்சிழந்து போனது.
அத்தி மரமும் அழுதது ,
அனாதையாய் போனதாய்.
தோட்டத்தில் வாழை வாயடைத்து நின்றது.

எமக்கு உயிர் தந்த ஓர் உறவு!
எமக்காகவே வாழ்ந்த ஓர் உறவு!
எம் இன்ப துன்பங்களை பகிர்ந்த உறவு!
சமூகத்தில் அவர் பெயர் "தந்தை"!

தன் மார்மேலும் தோள்மேலும் போட்டு
வளர்த்த உறவு!
தந்தையாய், நல்லாசானாய், தெய்வமாய்
சகலமும் ஆகி நின்ற உறவு!

வணக்கம்!
நலம் நலமறிய ஆவல்!


இன்று தந்தையர் தினமாம்
உங்களை அழைத்து வாழ்த்துக் கூற முடியவில்லை
உங்கள் தொலைபேசியில் கோளாறு
அஞ்சல் முகவரியும் மாறியுள்ளது
மின்னஞ்சல் அனுப்புகின்றேன்!


என்னை உருவாக்கியதற்கு நன்றி!
எமக்காக உழைத்ததற்கு நன்றி!
எம்மைக் காத்ததற்கு நன்றி!
எம் அனைவர் சார்பிலும் தந்தையர் தின வாழ்த்துக்கள்!

பனைமரம் எங்களின் கற்பகதருவல்லவா, 

கற்பகதரு அன்று வானுயர்ந்து நின்றது, 

இன்று அது வட்டிழந்து நிற்கின்றது. 

எதிரியவன் ஏவிய எறிகணை  

வீழ்த்தியது  அதன்  தலை.  

எம்பாட்டன்  போதைக்கு  கள் கொடுத்த  கற்பகதரு, 

அவர்  தூங்க  பாயுமல்லவா  கொடுத்தது!!

சுதா நவம்