தனிமைக்கு இனிமை சேர்ப்பேன் "மயிலை துரை"

தனிமையெனை வாட்டும்போது-----நான் 
தலயைணயை நனைப்பதில்லை 
உள்ளத்திற்கு உரம்கொடுப்பேன்-----பின் 
உசுப்பிடுவேன் என்கற்பனையை

---

சந்தோஷ கடலில் நான்மிதந்தால்----காதல் 
சங்கீதம் ஆனதொரு கவிதைசொல்வேன் 
சங்கடம் மனதில் நிறைந்திருந்தால்----பலர் 
சங்கட படும்படி கவிதைசொல்வேன்

சினம்கொண்டு மட்டும் நானிருந்தால்-----சிலரை 
சீண்டி பார்த்தும் கவிதைசொல்வேன் 
சிரிப்புடன் மகிழ்ச்சியில் நானிருந்தால்----பலர் 
சிந்தனையை தூண்டும் கவிதைசொல்வேன்

கவலைகள் மனதில் நிறைந்திருந்தால்-----அந்த 
கடவுளையும் கடிந்து கவிதைசொல்வேன் 
கடந்த காலங்கள் நினைவில்வந்தால்----நான் 
கஷ்டங்கள் பட்டதை கவிதையில்சொல்வேன்

காலத்தின் கட்டாய சூழலுக்கு-----என் 
கற்பனை அவ்வாறு அமைவதுண்டு 
எதிர்ப்பை பற்றிநான் கவலைப்படேன்----என் 
எண்ணத்தில் தோன்றுவதை எழுதிடுவேன்.

மயிலை துரை

---

இந்தப் பக்கம் தடவை பார்வையிடப்பட்டுள்ளது.