19ம் ஆண்டு நினைவஞ்சலி! அமரர் மிக்கேல்பிள்ளை ஞானகுலேந்திரன் (குலம்)

வாழும் வயதில் வரலாறாகி போனாயோ!



உன் நினைவுத் துதி பாடவா ?
உனைப் பெற்ற ஊர்ப் புகழ் கூறவா?
அல்லது நம் இனப் பெருமை சொல்லவா ?
அண்டம் தொட்டு நிற்க்கும் அக்கினி குஞ்சை 
ஐரோப்பாக் கண்டத்தில் தந்துவிட்டு,
கண்டங்கள் தாண்டி கடவுளுக்குள் சென்றுவிட்டாய் .
விண் தொட நிமிர்ந்த வித்துவத்தை தந்து விட்டு 
விண்ணுக்கு சென்று விட்டாய்.

---

நல்லவனே! ஞானகுலேந்திரனே!
வல்லவனே எங்கள் வம்சத்தோனே!
வாழும் வயதில் சாவின் மடியில் சரிந்தவனே!
நீ சாகவில்லை. எம்முள் வாழுகிறாய்.
பேசுகிறாய், எம்மோடு நீ பேசுகிறாய்,
உன் மகள் பெருமை கூறுகிறாய் ,
அப்பையா கடையின் கடைக்குட்டியே !
அன்பு நண்பர்கள் உன் புகழ் பாடுகிறார் .
*************************************************
ஈ, எறும்பு, காக்கைக்கும் தீது நினையா செம்மலே!
கென்றியரசர் கல்லூரியின் காற்பந்து வீரனே !
கனிவான உன் பேச்சு இன்றும் எம் கண் முன்னே ,
என்று நீ சென்றாயோ அன்று மங்கிய உன் வீட்டொளி
இன்று பொங்கி ஒளிர்கிறது உலகெங்கும் .
அரிவரியில் அப்பன் பெயர் சொல்லும் பிள்ளையும் ,
அட்வான்ஸ் லெவலில் பிள்ளை பெயர் சொல்லும் அப்பனும் 
உலக வழக்கன்றோ ,
இன்று சிவோனின் அப்பாவாய் நீ பெருமை காண்கிறாய் 
உன் சாவும் சரித்திரம் ஆனது .
மகள் ஆய்வும் சாதனை ஆனது 
விரைவில் நீ அறிவாய் விண்வெளி 
செல்லும் முதல் ஈழப் பெண்ணின் பெயர்...........