அனைத்து அன்னையர்களுக்கும் இனிய அன்னையர்தின வாழ்த்துக்கள்!
 அம்மாவின் அழகு
கவிதைக்கு பொய்யழகு கவிஞர்களுக்கு மெய்யழகு தாய்க்கு குழந்தையழகு எனக்கு நீ அழகம்மா! உடலுக்கு உயிரழகு உள்ளத்துக்கு வெள்ளை மனமழகு உனக்கு நான் அழகம்மா எனக்கு உந்தன் அன்பழகம்மா!  அம்மா!
எத்தனை கனவுகள் வளர்த்தாய் எனை உன்னுள் வளர்க்க உள்ளே துடித்ததும் செல்லமாய் வெளியே தட்டிக் கொடுத்தாய் வெளியே வந்ததும் மழையாய் பொழிந்தாய் என் தாய்!
பார்த்துப் பார்த்து வளர்த்தவள் பாலுடன் பண்பை ஊட்டியவள் பாசத்தையும் சேர்த்தே கொடுத்தவள் பரந்த உலகம் புரிவித்தவள் பலதும் காட்டி நடந்தவள் கருவில் சுமந்தவளே!
என்னை உலகிற்கு பிரசவித்தவளே... பாசத்தினை எல்லோரிடமும் பகிர்ந்திடுபவளே... மனதால் எல்லோரையும் அரவணைப்பவளே... என் கருவிழியோரம் உந்தன் நிழல் அம்மா... விண்ணை அரசாண்டிடும் நிலா ஒளியில் கூட உன் முகத்தினை பார்த்திட தினந்தோறும்தவமிருப்பேன் என்னைக் கருவில் சுமந்தவளே! |
