மயிலிட்டி உறவுகளே வணக்கம்! 
மயிலிட்டி ஆலயங்கள் மீதெழுந்த தெய்வீக ராகங்கள் இசைத்தட்டு பிரான்ஸ் நாட்டிற்குள் வந்து அனைவரையும் வந்தடைய காத்திருக்கின்றது. வெளியீட்டாளர்களை வாழ்த்தி உங்கள் அன்பான பங்களிப்பை வழங்கி இசைத்தட்டைப்பெற்று உங்கள் இல்லங்களில் மயிலை ஆலயங்களின் மகிமையை வலம் வரப் பெறுங்கள்!

CD க்களைப் பெற்றுக்கொள்ள தொடர்பு கொள்ளவேண்டிய தொலைபேசி:

ஜென்சன்: 07 51 39 95 57
அருண்குமார்: 06 80 66 66 42

உறவுகளின் பங்களிப்பு தொடர்கின்றன. இன்றுவரை கிடைக்கப்பெற்ற மேலதிக பங்களிப்புக்கள் செய்தவர்களின் விபரங்கள் வாழ்த்துக்களுடன்:

மயிலிட்டி ஆலயங்களின் பாடல்கள் வெளியீட்டிற்காக அனைத்து நாடுகளிலிருந்தும் மனமுவந்து பணஉதவி செய்தோரின் மற்றும் செய்ய இருப்போரின் விபரங்கள் மயிலிட்டி மீள்குடியேற்றக் குழுவினரால் அனைத்து மயிலிட்டி இணையங்களுக்கும் அறிவித்திருக்கின்றார்கள். மின்னஞ்சல் மூலமாக அவர்களிடமிருந்து எமக்குக் கிடைக்கப் பெற்றவை உங்கள் பார்வைக்காக இங்கே பிரசுரிக்கப் பட்டுள்ளது.

மயிலிட்டி ஆலயங்களின் பாடல்கள் வெளியீட்டிற்காக அனைத்து நாடுகளிலிருந்தும் மனமுவந்து பணஉதவி செய்தோரின் மற்றும் செய்ய இருப்போரின் விபரங்கள் மயிலிட்டி மீள்குடியேற்றக் குழுவினரால் விரைவில் அனைத்து மயிலிட்டி இணையங்களுக்கும் அறியத்தர உள்ளார்கள். கிடைக்கப் பெற்றதும் பிரசுரிக்கப்படும்.

மயிலிட்டி இடம்பெயர்ந்தோர் மீள்குடியேற்றக்குழு எமது ஊரில் உள்ள ஆலயங்களினை நினைவுகூரும் வகையில் பாடல்கள்  அமைத்துள்ளனர். அவற்றை இந்தியாவிலுள்ள பாடகர்கள் மூலம் பாடி CDயில் பதிவு செய்யும் முயற்சியைத் தொடங்கியுள்ளனர். இம்முயற்சிக்கு புலம்பெயர்ந்து வாழும் மயிலிட்டி உறவுகளிடம் பண உதவியை எதிர்பார்க்கின்றார்கள். உறவுகளே இந்த அரிய முயற்சி இனிதாக நிறைவேற எங்களால் முடியுமான பங்களிப்பை செய்து உதவுவோம். இதற்காக அவர்கள் எமது ஒன்றியத்துக்கு அனுப்பிய கடிதத்தை கீழே இணைத்துள்ளோம். நன்றி!

உதவி செய்ய விரும்புவோர் எமது நிர்வாகத்தினருடன் தொடர்பு கொள்ளவும், எழுத்து மூலமாகவும் தொடர்பு கொள்ளலாம். நன்றி!